FAQs

Q1：咩板適合新手玩？

A：由於 Longboard (lb) 比較大塊、輪距長、站立空間廣，所以絕大部份 lb 比Skateboard (sb)、魚仔板、Skateboard Cruiser 等板種都明顯較穩定，所以容易掌握得多。時至現今，所有新來訪的朋友都順利用各種LB掌握到基本技巧。

而 lb 發展至今，已因應五花八門的玩法/用途衍生出多種專門嘅板型及配件。所以選購或租借 lb 時，玩法/用途無疑喺首要考慮條件。錯誤選擇板型或配件，絕對有機會令體驗同練習期間產生極大負面影響。

 

Q：Longboard 有咩玩法？

A：非常多。香港比較主流的項目有以下幾種：

- Cruising, Long Distance Pushing (LDP)
適用板面：Cruising｜LDPushing

兩者都指以LB代步，

前者樂趣在於以LB四處漫遊、城市穿梭；而後者性質較接近馬拉松，着重速度和耐力。例如在一些LDP比賽，參賽者可以在24小時內推進超過480公里。

LB 採用嘅轆比絕大多數板類都要大同軟。質素好嘅配置喺避震、續航力、穩定性、便攜性、速度等方面令LB成為非常好嘅交通工具。速度同單車相若（除了Roadbike, 呢啲競速用嘅單車)。

所以絕大部分LB都可以用嚟代步，不過有啲LB (擁有Double drop/Drop through等設計) 專為 Cruising 甚至 LDP而設，代步會更慳力、更快、更輕便、更避震易平衡等等。

- Carving, Pumping, Long Distance Pumping (同樣可稱為LDP)
適用板面：Carving｜Pumping｜LDPumping｜LDPPushing&Pumping

Carving 性質接近滑浪/滑雪必學技巧，以左右壓彎穿梭為樂或作滑浪/滑雪動作訓練；而 Pumping 就係透過有節奏嘅 Carving，喺唔洗用腳蹬 (push) 嘅情況下推動 LB 前進。

而 Long Distance Pumping 就係以更高效率的 Pumping 設定及技巧，完成幾公里甚至幾十公里的距離

- Freestyle 平地花式 (Tricks + Dancing）
適用板面：Freestyle

Freestyle 基本上泛指所有平地花式，例如相似於 SB 運用 Nose 同 Tail 嘅花式；配合 Carving 施展優雅路線及舞步嘅 Dancing；以手將板向不同方位旋轉嘅 hand-tricks。

- Freeride, Downhill 
適用板面：Freeride｜Downhill

兩者都係斜坡玩。Freeride(FR) 特色係似滑雪仲多過似踩板，隨個人喜好以飄移花式玩落山，快慢都得(由慢過跑步落山到快過車都係由你身體控制)；而 Downhill (DH) 着重速度，以最快速度攻克山路，有像F1形式的世界賽，更於2019年入選為東亞運項目之一。

- Slalom

Slalom 是 Carving 和 Pumping 的進階玩法，大多在斜坡上以最短時間穿梭極密集的障礙物，挑戰玩家反應和平衡。

 

Q：咁多玩法，有冇板係咩玩法都玩得嫁？

A：唔同玩法對板面同配件嘅要求大多有所衝突，例如低重心、較適合代步嘅 Drop through/ Drop Platform/ Double drop板，佢哋板頭/尾都相對短及窄小，所以即使有 kicktail 玩 tricks 都較難操控同相對不耐用。

大部份所謂全能板都只選擇從某些方面作犧牲以取得平衡，結果便是「樣樣通，樣樣鬆」。但對進階玩家嚟講可能係萬用刀。

 

Q：魚仔板最細塊係咪最容易用？

A：100%肯定唔係，板面難以容納雙腿，令玩家站姿極窄，喺較高速度下(eg. 20km/h) 或遇上凹凸不平的路面好容易失平衡。莫講係玩花式。

#魚仔板係小朋友先有機會啱用

 

Q：點解你地冇賣d幾百至千零蚊嘅LB？

A：我哋採用全進口零件，都係測試過後精選嘅，採用優質材料同加工技術，確保零件性價比高、操作良好、穩定、耐久性高。不論新手或老手，以上述條件選購 LB 係好基本的事，與其洗幾百至千幾蚊買塊影響體驗（搞到你唔想玩），甚至玩唔到幾耐就會壞嘅國產LB，為何儲多少少錢，買一塊不洗擔心品質問題，長玩長有嘅 lb？

如果預算真的非常有限，我們亦會盡量幫忙！可考慮以下方案:

• 買一塊 sb cruiser，價錢較 lb 低，用於代步亦稱得上方便舒適，同時強化基本功，亦可以玩吓 sb 花式！一定好玩過就咁買塊唔合格嘅 lb 玩。
• 留意今期 Promotion&Discount !!

 

Q：玩Longboard 係咪犯法咖？

A：由於冇電力驅動，定議上LB算是玩具，所以正常情況下於行人路、單車徑、馬路都冇明確管制。反而某啲地方會列明 no skateboarding 的地方需要留意。雖然管制唔多，但希望玩板的朋友開心之餘都要留意自身和他人安全。

說到底互相尊重是重點，在安全和不影響他人的情況下，玩LB是沒問題的。

 

Q：香港點玩freeride/ downhill啊?

A：香港勝在山多，所以我哋搵到唔少安全嘅路段玩，仲要有好多難度選擇！我哋都係喺香港練習然後去國外參加國際性活動同賽事。

如果你對 fr/dh 有興趣，我地絕對歡迎新手一齊上山玩，成班人一齊玩會更安全及容易進步。

 

Q：香港邊度可以玩LB?

A：除咗 freeride, downhill，一片較少人、平坦的空地已足夠，以 dancing 為例，一個無人的球場也足夠練習。掌握好代步技巧嘅基本上行人路、單車徑、馬路都踩得。其實最重要係顧及自己、他人同長板的安全，例如新手就不建議在碼頭練習、老手也不建議喺人多地方玩 freestyle。

 

FAQ 會持續更新，如果你有其他問題，歡迎直接問我地。Location & Contact🔗