玩法簡介》🔗

《點解自選組件客製板(Custom Completes)比品牌預設整板(Stock Completes)更啱買更抵買?》

即使用途上基本如踩街代步,近乎每一位用家都會喺身型、體重、練習時嘅路況等有各自嘅偏好同習慣,因此對板面、配件以至配件調教嘅需求都可以差天共地,其他更複雜嘅玩法則更明顯反映出上述情況。

要組裝出一塊切合用家要求,又高質嘅整板,都極難喺同一品牌就集齊所需組件。皆因現今所有滑板品牌,多數只能夠著力研發各自發展得較成熟、精湛嘅部份,其餘部分質素就會較參差,或好少選擇。再者,因為上述各人需求唔同,預設整板都難以為用家調教好合適設定,好難一步到位地滿足用家嘅所有需求(e.g. 體重 100lbs 同 150 lbs 踩同一塊板嘅 setting 已經唔同)。性價比下降係固然嘅事,因為好快你就想換配件、或者再 tune 過。

喺 SBDW 自選組件客製板,可交由我哋提供專業意見及調校,解決上述問題。自選客製板嘅成本相信係最被關心嘅其中一環,但我哋可以保證客製板成本可以同預設整板相若,甚至更平。以往經驗中,額外成本通常都係用作升級轆嘅選擇,但極其量只比預設整板的價格高出約 HK$400。因此可以放心,自選客製很低機率會達至天價成本。(除非選用攻頂級嘅 Precision Truck😆)

《砌板指南》

請於以下配件各選一項等我哋砌好塊板交俾你:
LDP complete Setup = Deck 板面 + Trucks 輪架 + Wheels 轆 + Bearings 啤呤 + *Griptape 砂紙 + Accessories 其他零件(如螺絲)
*為不必另購,有機會隨板面附送。
(放心!如果我哋留意到你嘅配搭有咩錯漏我哋都會喺你落單後聯絡你!)

👇解說及推薦👇

 

  • Wheels 轆
    推薦:
    BOA - 90mm Hatchling 76a (一步到位,頂級續航力、吸震能力,優秀回彈力極有效輔助 Pumping)