# 【點解市面上無乜小童 Surfskate？點解 #小童ss 一套都要二千幾蚊？】

**By SIU MAN SO** · 2021-10-22

\[點解市面上無乜小童 Surfskate？點解 [#小童ss](https://www.instagram.com/explore/tags/%E5%B0%8F%E7%AB%A5ss/) 一套都要二千幾蚊？\]  
[#ss入坑前必睇系列](https://www.instagram.com/explore/tags/ss%E5%85%A5%E5%9D%91%E5%89%8D%E5%BF%85%E7%9D%87%E7%B3%BB%E5%88%97/) [#真正啱纖巧型skaters嘅板](https://www.instagram.com/explore/tags/%E7%9C%9F%E6%AD%A3%E5%95%B1%E7%BA%96%E5%B7%A7%E5%9E%8Bskaters%E5%98%85%E6%9D%BF/) [#童裝ss](https://www.instagram.com/explore/tags/%E7%AB%A5%E8%A3%9Dss/) !!  
![](https://cdn.shopify.com/s/files/1/1879/8289/files/20210920_Sbdw_IG-02-03_480x480.png?v=1634890661)  
[#小童ss](https://www.instagram.com/explore/tags/%E5%B0%8F%E7%AB%A5ss/) 絕唔係一塊細啲嘅板咁簡單，當中嘅板面製作同調整堪比成人用 Surfskate!

如何選擇適合小童兒童用的 Surfskate？

如何選擇適合的板面 (Deck) 給小童兒童用 Surfskate？

🔴先講板面製作，不論任何類型滑板，小童板最常見/ 慳皮嘅製作方法，係利用成人板嘅模具壓製，再裁製為較細嘅板就作為小童板出售。當中致命嘅缺點係：裁製後會將應有嘅 Concave (板面弧度) 一拼裁走，最後一塊較平坦、缺乏 Concave、唔能夠提供舒適腳感俾小朋友嘅板面就咁誕生，非常影響信心同進度。有啲比較出名嘅品牌，甚至直接採用成人闊度嘅板面, 換條鬆啲嘅彈弓/Bushing 就賣 (可能製作人認識嘅小朋友全部鞋碼都四十幾號?)

![](https://cdn.shopify.com/s/files/1/1879/8289/files/20210920_Sbdw_IG-02-04_480x480.png?v=1634890688)

如何選擇適合的 Truck Bushings 給小童兒童用 Surfskate？

  
🔴另一經常被忽略嘅部分，就係Truck Bushings 同 Adapter 嘅配合。大部份採用 Adapter/ Truck- Integrated 嘅 Surf System，好輕力就開始有傾斜、有轉向反應，好容易產生岩所有人踩嘅錯覺。🙅🏻‍♂️  
但實情上，配用硬度同個人體重/力量不相符嘅 Bushing，唔單止 Truck 同 Adapter 都發揮唔到應有嘅操控感，更將問題放大，唔同品牌嘅小童板都冇配上足夠軟身嘅 Bushings，有啲甚至沿用成人 Bushing 組裝，問題顯然易見。小朋友使用嘅時侯淨係郁到個 adapter 但壓唔到對 Trucks，後 Truck尤其會更明顯，傾斜唔到甚至會後轆離地，最後只可以喺平地上fing吓fing吓，莫講話玩 Bowl，又點樣真正做到 surf training ?🥴  
![](https://cdn.shopify.com/s/files/1/1879/8289/files/20210920_Sbdw_IG-02-05._480x480.png?v=1634890826)  
👨🏻‍🔧點解我哋又會有 [#童裝ss](https://www.instagram.com/explore/tags/%E7%AB%A5%E8%A3%9Dss/) ？又輪到我哋獨特客製服務發揮！  
🟢板面：  
我哋有售多款不同尺寸嘅 Cruiser 類板面，而 Cruiser 設計原意係一塊輕巧便攜、擁有優良 Concave & Kicktail ，既提供舒適腳感又重玩味嘅滑板。Modern surf skate 所需要嘅特質亦同 Cruiser 不謀而合! (或者咁講，Surf Skate 就係由適合 Surf Training 嘅 Skateboard, Cruiser, Longboard 等板面洐生出嚟嘅。)  
市面上有非常多品牌製作 Cruiser, 所以尺寸選擇極多。對小童嚟講，部分偏短小嘅 Cruiser 正正可以成為尺寸合適、提供舒適腳感又輕便嘅 Surfskate！  
🟢Bushings & Adapter：  
Bushings 同 Adapter 經我哋嘅專業調配，令整體會有更全面更優秀嘅表現。市面上大多原廠 Bushing 為大約 88a 至 90a ，比較適用於體重約 60kg 或以上的成人用家。  
而早於 Surfskate 喺香港興起之前，我哋已經積極搜羅全世界專門生產滑板嘅 Bushing ，更加向廠商提出製造軟度適合小童嘅 Bushing，令我哋可以組裝各式各樣適合小童嘅配置。(軟至60a都有。真係淋到橡皮糖咁，請小心存放，避免孩童自行拿取🤪)  
而且我哋都明白各用家對 Bushing 嘅概念都未必好深入，所以 [#SBDW車房](https://www.instagram.com/explore/tags/sbdw%E8%BB%8A%E6%88%BF/) 嘅車房仔喺幫大家砌板嘅現場，提供更換及試用唔同硬度、形狀 Bushing嘅服務，等大家可以試啱先買！  
🎓總結，一塊高質 [#小童ss](https://www.instagram.com/explore/tags/%E5%B0%8F%E7%AB%A5ss/) 嘅製作工序、配件需求係同成人板嘅配置可以係相約甚至一樣，價格唔應該存在好大嘅落差 (最多只係板面可以用細塊啲，平少少)  
  
📝配置簡介：  
[#SmallFeet](https://www.instagram.com/explore/tags/smallfeet/) [#Cruising](https://www.instagram.com/explore/tags/cruising/)  
唔只可以應用於 Surf training，輕輕 Cruise 吓都冇問題。板面以腳型較細嘅用家為主要對象  
\- Waterborne surf adapter 提供充足轉向角度之餘，直線滑行亦相對穩定、容易平衡。所以適合新手初玩至到玩 park 都冇問題, 更能夠兼顧短途 Cruising。而且適用於非常短小嘅板款。所以令較輕盈、站姿較窄嘅用家可以採用 Landyachtz dinghy 呢類短板，能夠更輕鬆練習到各種轉向、sliding技巧 [#唔洗掰到對腳咁開啦](https://www.instagram.com/explore/tags/%E5%94%94%E6%B4%97%E6%8E%B0%E5%88%B0%E5%B0%8D%E8%85%B3%E5%92%81%E9%96%8B%E5%95%A6/)  
\- Waterborne surf adapter 為各款頂級 adapter 中，結構最堅固及簡單。雖然唔可以調較回彈力 (只可調教 Bushing 鬆緊)，但優勝之處係較耐用及保養工序相對簡易。(如需要回彈力較高 Surf System 可考慮採用其他 Adapters)  
\- 以便攜、Cruising 為考慮因素，因此選擇直徑相對細小嘅 Seismic 59mm Rippler，喺相同大小嘅轆之中擁有最出色續航力及速度  
\- 適用於地面順滑嘅平地、板場等地形

**Tags:** #surfskate

---

> Source: [SBDW Longboards Hong Kong](https://sbdwlongboards.com/blogs/surfskate/surfskate-ss)