【Pump 嘥力，Slide 唔夠爽？轆嘅大細、軟硬並唔係主因，問題係邊度？】

一直強調 #世上冇最好嘅板，只有最適合你嘅板。轆其實都一樣，需要因應玩法及地型偏好，挑選最適合嘅轆。
就 Surfskate 而言，選擇轆嘅時候主要考慮因素區分為 地型 以及 玩法
而挑選轆嘅條件包括：直徑大小、硬度&闊度、轆邊形狀（圓邊 Round lip、方邊 Square lip……）等等

🕶️唔係唔係唔係…你聽我講，聽我講，重有一樣鮮為人認識，重要程度卻往往更高嘅"隱藏要素" ---- 轆原材料嘅配方 (FORMULA）

所有轆嘅原料都統稱為 Polyurethane (PU)，但大部份品牌、廠房都有各自唔同嘅 Formula。Formula 係會直接影響晒 續航、抓地、速度、避震、耐磨、回彈等因素，再深層次啲嘅係 slide 嘅感覺（減速度、順暢度、磨地感、Control 難易度等）、Pumping 嘅 power 有幾大等。

- 轆嘅大細、軟硬並唔係主因，問題係邊度？

有品牌 (如 @seismicskate ) 會為唔同玩法、地型等推出相同尺寸，但由唔同配方所製嘅轆，可見配方嘅重要性，實測確有好大分別。高質素嘅 fomula 可以將以上特性同時提升（好似打機個雷達圖咁個個數值都高），例如：Seismic Defcon formula 74a 嘅轆，pump 得好快，續航力仲高過好多 84a 嘅轆仲好避震。Blood Orange LMF formula，雖然圓邊但抓地可以比其他方邊轆更高，又好轉到急彎之餘又 slide 得 smooth。
所以直徑越大就越快、越硬越易slide呢啲講法係同一 formula 下先有參考價值。
現時都係部份美國廠嘅 Formula 先造到呢啲效果，所以價錢亦會貴啲。

各大品牌出售嘅整套 surfskate completes，都仍未特別注重轆嘅 Formula，只著眼Surf system或板身嘅研發，亦可能純粹想降低生產成本用平啲嘅 formula。原裝轆唔夠場地 同 玩法 specific，主要都係平地玩吓先適用，所以好多用家最先 upgrade 係轆。無論係 Yow、Carver 定 smoothstar 啲轆回彈力都欠奉，換轆一定好 pump 好多同提升續航力，slide 嘅操控亦都會更好。原裝轆亦都因為咁係 skatepark pump bowl 嘅時候更加吃力，尺寸上亦都唔係最理想選擇，可以換套又細又快又好 slide 嘅轆。

所以都係嗰句，睇你想點玩同喺邊玩啦 #冇最好只有最適合

世上咁多牌子嘅轆以至其他配件，邊啲高質好多時都要試過先知，但只靠自己又點會試得哂。我哋歷年嚟集合咗好多海外同本地用家嘅意見，同埋親身試驗，最後為大家（為自己😀）搜羅世界各地頂級高質嘅裝備，等大家唔使盲摸摸咁試新嘢！